Juan Madina, Patxi Arizmendi aramarraren ondoan, ohiko aulkian eserita aurkituko dugu asteazkenero.
Bere euskera goierri ingurukoa ez dela segituan antzemango diozue, izatez oñatiarra baita.
Legorretako Koate auzoko Mujuri baserrian bizi da eta 2002az geroztik dugu Ordiziako azokan.
Garaiko barazkiek eta arrautzek betetzen dute postuko lekurik handiena, eta ekartzen dituen gainerako produktuak tomatea, garaiko fruituak, fruitu lehorrak eta lekaleak dira.
Asteartetan Legorretako azokan ere saltzen egoten da.