Hiru hamarkadatik gora daramatza Dolores Landak Ordiziako azokara hutsik ere egin gabe asteazkenero etortzen. Tolosaldeko Bidegoian herriko Legarmendi Txiki baserritik Ordizia, Azpeitia eta Tolosa bertako azokak atontzen ditu gaur egun Dolores-ek.
Familiako lehenbiziko kidea da Ordizian, beste azokak gertuago geratzen zitzaizkielako bere familiakoei. Gazta da bere produkturik aipagarriena, baina garaia denean perretxikoak ere ugari izaten ditu. Garaian garaiko barazki eta lekaleekin osatzen du bere eskaintza Doloresek. Bere hitzetan, Lazkao Txikiren txisteak eta kontuak faltan botatzen ditu, izugarrizko barreak sortzen baitzituen Joxemielek.
Asteartetan Azpeitiara joaten da eta larunbatetan Tolosako azokara.