Jesus Mari Muñoa eta Maria Angeles Telleriak osatutako bikoteak urte asko darama Ordiziako azokan. Jesus Marik 60ko hamarkada amaieratik darama asteazkenero Ordiziara etortzen, bere gurasoei lagunduz aurrena eta gaur egun bere emazte Maria Angeles eta bere alabarekin batera.
Eskaintzen duten produktu aipagarriena arrautza da, baina eskaintza zabala dute: gazta, lekaleak, irasagarra, eztia edota fruitu lehorrak. Baserrian bertan edota azoketan saltzen dute generoa, eta astean zehar hainbat azokatan topa ditzakegu: asteartetan Beasainen, asteazkenetan Ordizian, ostiraletan Arrasaten eta larunbatetan Zumarragan eta Oñatin.